Rusiyanın xarici işlər naziri Lavrov bildirib ki, ABŞ-ın dəstəklədiyi sülh layihəsi də daxil olmaqla, Ukraynadakı münaqişənin həlli ilə bağlı yeni təkliflər Kiyev rejimi və Qərbi Avropa ölkələri tərəfindən “pozuntu” cəhdləridir.
Gündəm24.az xəbər verir ki, Rusiya xarici işlər naziri Sergey Lavrov Rusiya mediasına verdiyi açıqlamada ABŞ və Rusiya arasında Alyaskada əldə edilən razılaşmanın gedişatını və Ağ Evin əvvəl təqdim etdiyi sülh müqaviləsi layihəsinin hazırkı vəziyyətini dəyərləndirib. Lavrov bildirib ki, bütün sonrakı variantlar Vladimir Zelenskinin və onun Avropa “himayədarları”nın ABŞ planını pozmaq cəhdlərinin nəticəsidir.
O, təhlükəsizliyin Rusiyanın prioriteti olduğunu vurğulayıb və ABŞ-ın layihəsində rusdillilərin və rusların hüquqlarının bərpa edilməsinin nəzərdə tutulduğunu xatırladıb, lakin Alyaskadan sonra aparılan danışıqlar nəticəsində son variantlarda bu məsələlərin artıq yer almadığını bildirib. Lavrov əlavə edib ki, yeni hazırlanmış 20 maddəlik sülh planı Rusiyaya rəsmi və ya qeyri-rəsmi şəkildə çatdırılmayıb və Alyaska sammitində əldə olunan razılaşmalara əsasən yekun həll yoluna tez nail olmaq mümkün idi.
Nazir həmçinin bildirib ki, Rusiya kompromisə açıqdır, lakin ölkənin qanuni maraqları nəzərə alınmalıdır, Ukraynadakı həll yolları fundamental prinsipləri pozmamalıdır, və xüsusi əməliyyatın məqsədi təhlükəsizliyi təmin etməkdir. O, Avropa və Ukrayna tərəfindən verilən təhlükəsizlik zəmanətlərinin Rusiyanın iştirakı olmadan yaradıldığını, BMT-nin münaqişənin kök səbəblərini araşdırmadığını, Donbass və Krım vətəndaşlarının öz müqəddəratını təyin hüquqlarından istifadə etdiyini vurğulayıb. Lavrov ABŞ, Almaniya, NATO, BRICS və Şanxay Əməkdaşlıq Təşkilatı ilə bağlı müxtəlif mövqelərini də açıqlayıb və Ukraynadakı xüsusi əməliyyatın məqsədlərinin dəyişməz qaldığını qeyd edib.
Sədaqət Həsənova
