Gündəm24.az xəbər verir ki, Qərbi Azərbaycan İcmasının Sumqayıt nümayəndəliyində Corat qəsəbə nümayəndəliyinin iclası keçirilib.
İclası giriş sözü ilə Qərbi Azərbaycan İcmasının Sumqayıt nümayəndəliyinin sədri Ramiz İsmayılov açaraq, gündəlikdə duran məsələlər barədə məlumat verib və qeyd edib ki, Qərbi Azərbaycan həqiqətlərinin öyrənilməsi və müzakirəsi əsas hədəf nöqtəsi olmalıdır.
Daha sonra Corat qəsəbə nümayəndəliyinin sədri Nazim Hüseynov çıxış edərək, Qərbi Azərbaycana qayıdış konsepsiyasının mahiyyəti, bu istiqamətdə görülən işlər və qarşıda duran vəzifələrdən danışıb.
İclasda əsas müzakirə mövzuları Qərbi Azərbaycana qayıdış ideyasının təbliği, gənclərin bu prosesdə fəallığının artırılması, eləcə də orta məktəblərdə Qərbi Azərbaycan həqiqətləri və faktlarının şagirdlərə daha dolğun şəkildə çatdırılması olub.
Sonra Sumqayıt nümayəndəliyinin Gənclər Təşkilatının sədri Fuad Məmmədov çıxış edərək gənclərin Qərbi Azərbaycan həqiqətlərinin təbliğində və milli yaddaşın qorunmasında fəal rol oynamasının vacibliyini vurğuladı. O, gənclərin təşkilatlanmasının və ictimai-siyasi proseslərdə daha aktiv iştirakının qarşıda duran əsas vəzifələrdən biri olduğunu bildirdi və vurğuladı ki, Azərbaycan həqiqətlərinin öyrənilməsi və dünyaya çatdırılması hər bir vətəndaşın əsas vəzifəsi olmalıdır.
Müzakirələr zamanı Tükəzban Hacıyeva , Məhəmməd Qaybalıyev, Bayram Şıxiyev və kimya elmlər doktoru Məhruza Şatırova çıxış edərək, Qərbi Azərbaycandan deportasiya olunmuş soydaşlarımızın haqq səsinin dünya ictimaiyyətinə çatdırılmasının vacibliyini vurğulayıblar. Çıxışlarda Qərbi Azərbaycan həqiqətlərinin beynəlxalq müstəvidə tanıdılması və bu istiqamətdə ictimai fəallığın gücləndirilməsi xüsusi qeyd edilib. İclasın sonunda Corat qəsəbə nümayəndəliyi üzrə Qərbi Azərbaycanla bağlı fəaliyyətin daha da genişləndirilməsi, yeni təşəbbüslərin irəli sürülməsi və gənclərin bu prosesə daha aktiv cəlb olunması ilə bağlı fikir mübadiləsi aparılıb.
