İsrail Baş Nazirinin Ofisi Hindistan Baş naziri Narendra Modinin səfəri zamanı iki ölkə arasında 16 əməkdaşlıq müqaviləsi imzalandığını açıqladı.
Gündəm24.az xəbər verir ki, Sputnik Türkiye-nin məlumatına görə, Hindistan Baş naziri Narendra Modinin İsrail səfəri zamanı iki ölkə arasında strateji əməkdaşlıq səviyyəsi yüksəldilib. İsrail və Hindistan süni intellekt, kibertəhlükəsizlik, təhsil, kənd təsərrüfatı innovasiyaları, mülki pilotsuz uçuş aparatları, peyk məlumatları, suvarma və gübrələrin idarə olunması, zərərvericilərə qarşı mübarizə, istixana bitkiləri və qabaqcıl becərmə texnologiyaları sahələrində 16 əməkdaşlıq müqaviləsi imzalayıblar.
Səfər çərçivəsində həmçinin Hindistanda kənd təsərrüfatı tədqiqat və innovasiya mərkəzinin yaradılması ilə bağlı anlaşma memorandumuna imza atılıb. Modi vurğulayıb ki, Hindistan və İsrail münasibətləri xüsusi strateji tərəfdaşlıq səviyyəsinə qaldırılıb və iki ölkə yaxın gələcəkdə qarşılıqlı faydalı azad ticarət sazişi üzərində işi yekunlaşdırmağı planlaşdırır.
Sədaqət Həsənova
