Peşəkar idmanla məşğul olan, ölkəni Dünya və Avropa çempionlarında iştirak edən və ali məktəbə qəbul olmayan şəxslərə həqiqi hərbi xidmətlə bağlı möhlət verilməsini təklif edilib.
Gündəm24.az xəbər verir ki, bu təkliflə Azərbaycan İdman Akademiyasının rektorunun müşaviri Fərid Mansurov Milli Məclisin Gənclər və idman komitəsində 5 Mart – Bədən Tərbiyəsi və İdman Günü ilə bağlı keçirilən görüşdə çıxış edib.
“17 yaşdan sonra idmançıların bir qismi ali məktəbə qəbul olub təhsilini davam etdirir, digər qismi isə həqiqi hərbi xidmətə yollanır. Dünya və Avropa çempionatlarında iştirak etməyin də vətənə xidmət olduğunu nəzərə alsaq, biz o yaşda uşaqlarımızı itiririk.
Çünki çempionatlarda fərdi idman növlərində hər çəki dərəcəsində əsasən bir idmançı iştirak edir. Nəticə qazanan idmançı, adətən, imtiyazla Azərbaycan Dövlət Bədən Tərbiyəsi və İdman Akademiyasına qəbul olur, lakin digər perspektivli atletlər kənarda qalır.
Onlar hərbi xidmətə getdikdə isə biz faktiki olaraq həmin idmançını itirmiş oluruq. Bu da peşəkar idmanda rəqabətin zəifləməsinə, ardı gəlmir, federasiyalar legionerlərin almasına gedirlər. Düşünürəm ki, bu qanunvericiliklə tənzimlənməlidir”, – deyə o qeyd edib. Bizim.media
