Bakıda faciə: Andrey arvadını xilas etdi, özü yanaraq öldü – Təfərrüat

Bakının Səbail rayonu, Bayıl qəsəbəsində baş verən yanğının səbəbi məlum olub.

Gündəm24.az-ın xəbərinə görə, bu barədə Teleqraf-a danışan qonşular bildiriblər ki, Cənub Dərə küçəsində yerləşən ev yanğın zamanı ölən Andrey Vladimiroviç Starçevoya məxsus olmayıb.

Qeyd edilib ki, Andrey həyat yoldaşı İrina ilə birlikdə küçədə yaşayırmış. Lakin üç ay bundan öncə Şirvan Abdullayev özünə məxsus evdə onlara sığınmaq üçün bir otaq verib. Cütlük tez-tez mübahisə edirmişlər.

Şirvan Abdullayevin verdiyi məlumata görə, Andrey iki ayağından əlil olub. Hadisə vaxtı isə o həyat yoldaşını əli ilə itələyərək küçəyə çıxarıb.

Hadisəyə səbəb kimi isidici elektrik sobasında qısa qapanması göstərilir.