Aparıcı Yelena Sidorenko iyunun 16-da tanınmış vəkil, beynəlxalq hüquq üzrə professor Fərhad Mehdiyevin 17 yaşlı qızı Zəhranın Bakı-Sumqayıt yolunda baş verən yol-nəqliyyat hadisəsində həyatını itirməsindən sonra onun videolarının sosial şəbəkədə paylaşılmasına etiraz edib.
Sumqayit24.az xəbər verir ki, aparıcı sözügedən görüntülərin yayılmasını və sosial şəbəkələrdə təhqir olunmasını qınayıb:
“Ay insanlar… İNSAN deyirəm aaa… Bu nədir belə, insanlıq budur? Bu gənc qızın videolarını niyə tirajlayırsınız? Niyə onun söyülməsi üçün səbəbkar olursunuz? Sizin övladınız yoxdur? Sabahdan qorxmursunuz?
O qızın ruhunu rahat buraxın. Hər kəs ağzına gələni yazır. Allahdan qorxun. Belə yaxşı valideynsinizsə, gedin öz övladlarınızla məşğul olun. İnsanların hissləri ilə oynamayın.
Uşaq ölüb, anlayırsınız? Bu halda sizə kim ixtiyar verir ki, onun həyatından, tərbiyəsindən, valideynlərindən danışasınız? Ayıbdır. Özünüzə gəlin, Allahdan və sabahdan qorxun”.
