Azərbaycanda, o cümlədən Sumqayıtda havanın temperaturu artıq uzun müddətdir ki, 30 dərəcəni keçir. Belə isti hava insanlar üçün olduğu kimi, küçə heyvanları və quşlar üçün də ciddi çətinlik yaradır.
Susuzluq və günvurma səbəbindən küçələrdə yaşayan pişiklər, itlər və quşların həyatı təhlükə altına düşə bilər.
Hər birimiz kiçik bir addımla onlara kömək edə bilərik:
-
Kölgəli bir yerdə su qabı qoyun;
-
Mümkünsə, heyvanlar üçün az miqdarda yem də buraxın;
-
Suyu hər gün təzələyin ki, təmiz və içməyə yararlı olsun;
-
Plastik deyil, keramika və ya metal qabdan istifadə etməyə çalışın. Bu qablar günəş altında suyu daha gec qızdırır.
Unutmayaq ki, bir qab su hansısa canlı üçün həyat demək ola bilər.
Əgər həyətinizdə, binanızın qarşısında və ya parkda su qabı qoymusunuzsa, şəkillərinizi bizə göndərin, paylaşaq.
