Tel-Əviv və Ankara arasında Qəzza müharibəsi ilə başlayan diplomatik və iqtisadi böhran daha da dərinləşir. İsrail hökuməti iki ölkə arasında gərginliyi son həddə çatdırası yeni bir addımı — İstanbuldakı baş konsulluğunun fəaliyyətinə birdəfəlik xitam verilməsini müzakirə edir.
Gündəm24.az xəbər verir ki, İsrail mətbuatında yer alan məlumatlara görə, Tel-Əvivdəki bəzi rəsmi şəxslər İstanbulda boş qalan konsulluq binasının saxlanılmasının ölkə büdcəsinə əlavə maliyyə yükü yaratdığını idarə edirlər. Digər diplomatik dairələr isə xəbərdarlıq edir ki, nümayəndəliyin tamamilə bağlanması gələcəkdə münasibətlər düzələcəyi təqdirdə onun yenidən açılması prosesini ciddi şəkildə qəlizləşdirə bilər. Əgər bağlanma barədə yekun qərar qəbul olunarsa, İsrailin Ankaradakı səfirliyi ölkənin Türkiyədəki yeganə rəsmi diplomatik missiyası olaraq qalacak. Ankaradakı etibarlı diplomatik mənbələr mövzu ilə bağlı haqqin.az saytına bildiriblər ki, Türkiyə tərəfi İsrail daxilində gedən bu müzakirələrdən məlumatlıdır, lakin hələlik rəsmi bir qərar verilməyib. Qeyd edək ki, cari ilin yeddi aprel tarixində Türkiyə təhlükəsizlik qüvvələri İsrailin İstanbuldakı konsulluq binasına qarşı planlaşdırılan silahlı hücum cəhdinin qarşısını vaxtında ala bilmişdi.
Hazırda Türkiyə İsraildə yalnız müvəqqəti işlər vəkili səviyyəsində təmsil olunur, çünki yeddi oktyabr hadisələrindən dərhal sonra Türkiyənin Təl-Əvivdəki səfiri məsləhətləşmələr üçün geri çağırılıb. İsrailin Qəzzaya endirdiyi zərbələrin ilk günündən bəri Türkiyə Prezidenti Rəcəb Tayyib Ərdoğanla İsrailin Baş naziri Benyamin Netanyahu arasında kəskin ritorika ilə müşayiət olunan bəyanat müharibəsi davam edir. Netanyahunun və bir sıra İsrail rəsmilərinin “İrandan sonrakı növbəti hədəf Türkiyə olacaq” iddialarına cavab olaraq Ərdoğan İsrailin baş nazirini açıq şəkildə Hitlerlə müqayisə edib. Münaqişə fonunda rəsmi Ankara İsrail ile bütün ticarət əlaqələrini tamamilə dayandırdığını elan edib.
Bu, iki ölkə arasında yaşanan ilk ciddi böhran deyil. İki min onuncu ildə Qəzzaya humanitar yardım aparan “Mavi Mərmərə” gəmisinə beynəlxalq sularda İsrail hərbçilərinin hücum etməsi və doqquz hüquq müdafiəçisinin ölümünə səbəb olması ilə münasibətlər dondurulmuşdu. Yalnız iki min on altı ildə ABŞ-ın vasitəçiliyi, İsrailin rəsmi üzrxahlığı və kompensasiya ödəməsindən sonra əlaqələr normallaşmışdı. İki ölkə lideri iki ay əvvəl — iyirmi sentyabr iki min iyirmi üç tarixində Nyu-Yorkdakı “Türkiyə Evi”ndə ilk və sonuncu dəfə bir araya gələrək birgə enerji layihələrini müzakirə etmişdilər. Lakin bu görüşdən cəmi iki həftə sonra — HƏMAS-ın yeddi oktyabr hücumu və ardınca başlayan genişmiqyaslı müharibə Ankara ilə Tel-Əviv arasındakı bütün körpüləri yenidən yandırıb./NOCOMMENT.az
