Türkiyə Super Liqasında Amedspor ilə Beşiktaş arasında keçirilən oyundan sonra qonaq komandanın azarkeşlərini daşıyan avtobus Diyarbəkirdə daşlı hücuma məruz qalıb.
Hadisə Beşiktaş azarkeşlərinin matçdan sonra şəhərdən ayrılması zamanı baş verib. Azarkeşləri daşıyan avtobusun ətrafındakı şəxslərin daş atdığı, avtobusdakı azarkeşlərin isə buna qarşılıq verdiyi görüntülərə əks olunub.
İddiaya görə, avtobusda olan Beşiktaş azarkeşləri daşlı hücumu həyata keçirən qrupa fişəng ataraq cavab veriblər.
Hadisədən sonra ərazidə qısa müddət ərzində gərginlik yaşandığı bildirilib. Hadisənin təfərrüatları və hücumun hansı səbəbdən baş verdiyi ilə bağlı araşdırma aparılır./sonxeber.az/
