Türkiyə müxalifətinin parçalanmasından sonra ölkə prezidenti, AKP lideri Rəcəb Teyyub Ərdoğanın tərəfdarlarının sirası sürətlə genişlənir.
Gündəm24.az xəbər verir ki, əvvəllər müxalif təşkilatlarda təmsil olunan minlərlə insan son iki ayda iqtidar partiyasına üzv olub.
Türkiyə mediasının yazdığına görə, sıravi vətəndaşlarla yanaşı, tanınmış siyasətçilər, bələdiyyə sədrləri də Ərdoğanın sədri olduğu AKP-yə qoşulurlar. Rəsmi məlumatlara görə, 31 mart 2024-cü ildə keçirilən bələdiyyə seçkilərində Yenidən Refah Partiyasından bələdiyyə sədri seçilən 63 nəfərin 34-ü istefa verərək AKP-yə üzv olub. CHP, İyi Partiya və müstəqillərdən isə 49 nəfər hakimiyyət partiyasına keçib. Beləliklə, sonuncu bələdiyyə seçkilərindən sonra 83 müxalif və müstəqil bələdiyyə sədri Ərdoğanın partiyasına üzv olub.
İstefa dalğasının qarşıdakı dövrdə daha geniş vüsət alması gözlənilir.\Metbuat.az
