İsrail Müdafiə Ordusu (ÇAXAL) İranın mərkəzi hissəsində ballistik raket qurğusunun məhv edilməsinə dair videogörüntülər yayıb. Yayılan kadrlarda “F-35i Adir” qırıcısının saxlanc obyektlərindən birində raket qurğusunu müəyyən etdiyi və dərhal dəqiq zərbə ilə sıradan çıxardığı əks olunub.
Gündəm24.az xəbər verir ki, ÇAXAL-ın mətbuat xidmətinin məlumatına görə, bu əməliyyat İsrail ərazisinə planlaşdırılan yeni raket hücumlarının qarşısını alıb.
Ümumilikdə, son 24 saat ərzində İsrail Hərbi Hava Qüvvələri İranın raket arsenalına aid 50-dən çox hədəfə zərbələr endirib.
Ölkənin mərkəzi və qərb bölgələrinə təşkil edilən 20-yə yaxın uçuş zamanı ballistik raket anbarlarını və buraxılış qurğularını vurmaq üçün 140-dan çox döyüş sursatından istifadə edildiyi bildirilir.
