1968-ci ildə 18 yaşında “Miss Türkiyə” seçilən və daha sonra Yeşilçamda aktyorluq edən Sevgi Can Danlı uzun illərdən sonra yenidən görüntülənib.
Gündəm24.az xəbər verir ki, hazırda 76 yaşı olan Danlının təxminən dörd ildir qocalar evində yaşadığı məlum olub.
Huntington xəstəliyindən əziyyət çəkən keçmiş gözəllik kraliçası hərəkətliliklə bağlı ciddi çətinliklər yaşayır.
Danlını aktyor Tolga Mendi ziyarət edib. Görüş zamanı Mendi ondan keçmiş illər üçün darıxıb-darıxmadığını soruşub. Danlı həmin dövrün onun üçün fərqli və gözəl olduğunu bildirib.
Keçmiş “Miss Türkiyə” yenidən seçim şansı olsaydı, gözəllik müsabiqəsində iştirak etmək istədiyini deyib. Onun “Yenidən Türkiyə Gözəli olmaq istərdim” sözləri diqqət çəkib.
1968-ci ildə qazandığı “Miss Türkiyə” titulundan sonra Danlı əvvəlcə reklamlarda çəkilib, daha sonra Yeşilçam film sənayesinə daxil olub.
O, iki filmdə məşhur aktyor Yılmaz Güney ilə baş rolu paylaşıb. Lakin bir müddət sonra aktyorluq karyerasını dayandırıb.
Sonrakı illərdə Huntington xəstəliyi səbəbindən hərəkət imkanları məhdudlaşan Danlı gündəlik həyatını müstəqil şəkildə davam etdirməkdə çətinlik çəkib. O, təxminən dörd il əvvəl Darüləcəzdə yerləşdirilib və hazırda burada yaşayır.
Tolga Mendinin ziyarəti zamanı çəkilən görüntülərdə 1968-ci ilin “Miss Türkiyə”sinin keçmişini xatırlaması və yenidən gözəllik müsabiqəsində iştirak etmək arzusunu dilə gətirməsi diqqət çəkib.//musavat.com
