Koreya Xalq Demokratik Respublikasının (KXDR) lideri Kim Çen In 11-ci ordu korpusunun qərargahını ziyarət edərək Koreya Xalq Ordusunun xüsusi təyinatlı döyüşçüləri ilə görüşüb. Kadrları Koreya Mərkəzi Xəbər Agentliyi (CTAK) yayıb.
Gundem24.az xəbər verir ki, dövlət başçısı korpus komandirlərinin məruzələrini dinləyib, döyüş hazırlığının gücləndirilməsi ilə bağlı tapşırıqlar verib və hərbçilərin ideoloji hazırlığının vacibliyini vurğulayıb. Kim Çen In həmçinin döyüşçülərin təlimlərini izləyib, onların peşəkarlığından məmnun qaldığını bildirib və şəxsi heyətlə birgə xatirə fotosu çəkdirib.
CTAK-ın məlumatına görə, səfər ölkənin müdafiə potensialının gücləndirilməsi istiqamətində mühüm addım kimi qiymətləndirilir.
Eyni zamanda, Almaniyanın Der Spiegel jurnalı xəbər verir ki, Cənubi Koreya KXDR ilə münasibətlərin yaxınlaşdırılması istiqamətində Çindən dəstək istəyib. Cənubi Koreya prezidenti Li Çje Men qeyd edib ki, Çin və Şimali Koreya arasında son dövrlər yüksək səviyyədə baş tutan təmaslar “müsbət xarakter daşıyır” və Koreya yarımadasında gərginliyin azaldılmasına töhfə verə bilər.
Əli Səfərli,
Gundem24.az
