Prezident Emmanuel Makron və həyat yoldaşı Bricit Makron arasında 2025-ci ilin yazında Vyetnama səfər zamanı baş verən və ictimaiyyətə “zarafat” kimi təqdim olunan hadisə əslində mübahisə imiş.
Bakupost.az xəbər verir ki, “Le Figaro”nun yazdığına görə, jurnalist Florian Tardif öz kitabında Bricit Makronun ərinin telefonunda İran əsilli aktrisa Gülşiftə Farahani ilə mesajlaşmasını gördüyünü və bunun cütlük arasında gərginliyə səbəb olduğunu iddia edib.
Məlumata görə, Makron aktrisaya “sən çox gözəlsən” kimi xoş sözlər yazır, hisslərini çatdırmağa çalışırmış.
Jurnalist iddia edib ki, cütlük arasında mübahisə təyyarədə bitib. Ancaq qapı açılanda gərginlik yenidən başlayıb.
Xatırladaq ki, 2025-ci ilin mayında Vyetnamın Hanoy şəhərində Bricit Makronun təyyarə qapısı açılarkən Prezident Makronun üzünə toxunduğu anlar sosial mediada geniş müzakirələrə səbəb olmuşdu. Bu təmas bəzi media qurumlarında “şillə” kimi təqdim edilmişdi.
Hətta ABŞ prezidenti Donald Tramp da 2026-cı ildə Ağ Evdə yayımlanan qısa videoda Makron haqqında istehzalı ifadələr işlətmiş, onun “həyat yoldaşı tərəfindən çənəsindən vurulduğunu” demişdi.
Emmanuel Makron isə bunu “sadəcə zarafat və yaxınlıq anı” kimi izah etmişdi.
