Meksikanın Miçoakan ştatının Uruapan şəhərində keçirilən “Ölülər günü” festivalı zamanı şəhərin 40 yaşlı müstəqil meri Karlos Manso qətlə yetirilib.
Gundem24.az xəbər verir ki, hücum şənbə axşamı baş verib. Naməlum şəxslər məmurun kortejinə atəş açıblar və Manso hadisə yerindəcə həyatını itirib. Hadisə zamanı şəhər şurasının üzvü Viktor Uqo de la Krus Sausedo və merin mühafizəçilərindən biri yaralanıb.
Rəsmilərin məlumatına görə, hücum edənlərdən biri zərərsizləşdirilib, iki nəfər isə saxlanılıb.
Karlos Manso narkokartellərə, o cümlədən “Xalisko – Yeni nəsil” qruplaşmasına qarşı sərt mövqeyi ilə tanınırdı və dəfələrlə federal hökumətdən təhlükəsizlik yardımı istəmişdi. Uruapan Meksikanın əsas avokado istehsalı bölgəsinin mərkəzində yerləşir.
Əli Səfərli,
Gundem24.az
