Lerçek kimi tanınan rusiyalı bloger Valeriya Çekalina xəstəxanaya yerləşdirilib.
Gündəm24.az xəbər verir ki, mədə xərçənginin sonuncu mərhələsi ilə mübarizə aparan 33 yaşlı bloger ağrılarının yenidən artması səbəbindən onkoloji mərkəzə müraciət edib.
Bu barədə sosial media hesabında paylaşım edən Lerçek artıq yeriyə bilmədiyini, əlil arabasının köməyi ilə hərəkət etdiyini bildirib.
Qeyd edək ki, martın 13-də Valeriya Çekalina kimyaterapiya kursuna başlamaq üçün xəstəxanaya yerləşdirilib. Lerçekdə əlavə olaraq beyin şişi də aşkarlanıb. Şiş xoşxassəlidir, lakin toxumalara təzyiq göstərdiyi üçün davamlı baş ağrılarına səbəb olur.
Xəstəliyi səbəbindən prokurorluq 250 milyon rublun BƏƏ-yə çıxarılması ilə bağlı cinayət işinin dayandırılmasına razılıq verib. Son məlumata görə, Lerçek ev dustaqlığından azad edilib.//axşam.az
