Milli Məclisin spikeri Sahibə Qafarova 2025-ci ilin payız sessiyasının başa çatdığını bildirərək sessiya ərzində görülmüş işlər haqqında qısa məlumat verib.
Gündəm24.az bildirir ki, ötən payız sessiyasında Milli Məclisin Konstitusiya ilə nəzərdə tutulan səlahiyyətləri tam yerinə yetirdiyini bildirən spiker bu fəaliyyətin uğurlarına şərait yaradan amillər sırasında hakimiyyətin müxtəlif qolları arasında səmərəli əməkdaşlıq əlaqələrinin rolunu qeyd edib.
Spiker diqqətə çatdırıb ki, payız sessiyasında Milli Məclisin 16 plenar iclası, 86 qanun və qərar layihəsi qəbul edilib.
Milli Məclisin payız sessiyasını uğurla başa çatdırdığını deyən Sahibə Qafarova səmərəli iş üçün deputatlara təşəkkür edib.
Sədr payız sessiyasını bağlı elan edib və Azərbaycan Respublikasının Dövlət Himni səsləndirilib.
Bununla da qanunverici orqanın payız sessiyasının sonuncu plenar iclası başa çatıb.
11:08
Milli Məclisin payız sessiyası çərçivəsində son iclası başlayıb.
Gündəm24.az xəbər verir ki, iclasın gündəliyinə 15 məsələ daxil edilib.
