ABŞ hökuməti bəzi kateqoriyalı rus almazlarının idxalına icazəni 1 sentyabr 2026-cı ilə qədər uzadıb. Bu qərar ABŞ Maliyyə Nazirliyi tərəfindən açıqlanıb.

Gundem24.az xəbər verir ki, xüsusilə icazə “nənəvi almazlar” adlanan, yəni fiziki olaraq 1 mart 2024-cü ilədək Rusiyanın ərazisi xaricində olan və həmin tarixdən sonra Rusiya tərəfindən ixrac edilməmiş və ya yenidən ixrac olunmamış almazlara şamil edilir.

Qərara əsasən idxal edilə biləcək almazlar:

1 karatdan yuxarı qeyri-sənaye almazları, əgər 1 mart 2024-cü ilədək Rusiyanın ərazisi xaricində olubsa;

0,5 karatdan yuxarı qeyri-sənaye almazları, əgər 1 sentyabr 2024-cü ilədək Rusiyanın ərazisi xaricində olubsa.

Bu tədbirlər G7 ölkələrinin Rusiyadan almaz idxalına qoyduğu məhdudiyyətlərə cavab olaraq tətbiq edilib. Lakin ABŞ xüsusi istisna edərək, artıq xaricdə olan almazların idxalına icazə verib.

İcazənin 2026-cı ilə qədər uzadılması şirkətlərə bu almazları ABŞ bazarına idxal etməyə davam etmək imkanı yaradır. Ekspertlər bildirir ki, bu qərar almaz bazarının sabitliyini qorumağa, həmçinin rus istehsalçı və emalçılara əlavə üstünlük verməyə xidmət edir.

Əli Səfərli,
Gundem24.az

Oxunub: 6