Nyu-York ştatında davam edən qızılca epidemiyası ilə əlaqədar fövqəladə vəziyyət elan edilib.
Ajans.az Reuters-ə istinadən xəbər verir ki, bununla bağlı qərarı Nyu-York qubernatoru Keti Hoçul imzalayıb.
Məlumata görə, bu il ştatda 108 qızılca hadisəsi qeydə alınıb. İyulun 15-dən etibarən isə Nyu-Yorkun 18 dairəsində 92 yoluxma aşkarlanıb.
Qonşu Pensilvaniya ştatında isə 977 qızılca hadisəsi qeydə alınıb. Yoluxmaların əhəmiyyətli hissəsi Nyu-York sərhədinə yaxın kənd dairələrində baş verib.
Qubernatorun sərəncamına əsasən, qızılca, parotit və məxmərək əleyhinə peyvəndlərlə bağlı məlumatlar 72 saat ərzində ştat və Nyu-York şəhərinin immunizasiya reyestrlərinə daxil edilməlidir.
