“WhatsApp” köhnə əməliyyat sistemi ilə işləyən telefonlarda bəzi istifadəçilərin hesablarına girişini məhdudlaşdıra bilər.
Gündəm24.az xəbər verir ki, yeni təhlükəsizlik qaydasına əsasən, istifadəçilər hesablarına yenidən daxil olmaq üçün telefonun Android və ya iOS sistemini ən son versiyaya yeniləməlidirlər. Əgər cihaz üçün artıq yeni sistem yeniləməsi təqdim olunmursa, “WhatsApp”dan istifadəni davam etdirmək üçün yeni telefona keçmək lazım gələ bilər.
Şirkət bu addımı köhnə sistemlərdəki təhlükəsizlik boşluqlarından istifadə hallarının qarşısını almaq və istifadəçi məlumatlarını daha yaxşı qorumaq məqsədilə atıb.
Hazırda hansı əməliyyat sistemi versiyalarının dəqiq şəkildə bloklanacağı açıqlanmayıb. İstifadəçilərə telefonlarının parametrlərindən sistem yeniləmələrini yoxlamaq tövsiyə olunur.
