İranın Hörmüzgan əyalətindəki Qeşm adası yaxınlığında pilotsuz təyyarələrdən müdafiə sistemi işə salındıqdan sonra partlayış səsləri eşidilib.
Gündəm24.az xəbər verir ki, Entekhab xəbər saytının məlumatına görə, Hörmüz boğazı ətrafında gecə saatlarında eşidilən güclü partlayış səsləri bölgədə panika yaradıb, sosial şəbəkələrdə isə vəziyyətin kəskinləşdiyi iddiaları sürətlə yayılıb. Lakin Hormozgan valiliyi açıqlama verərək bildirib ki, səslər hər hansı hücum və ya dağıntı ilə bağlı deyil, müdafiə sistemlərinin mikro-dron və kəşfiyyat PUA-larına qarşı işə salınması nəticəsində yaranıb. Rəsmi məlumata görə, Qeşm adasında nə toqquşma, nə partlayış, nə də hər hansı ziyan qeydə alınıb, amma gecə boyu eşidilən səslər bölgədə gərginliyin nə qədər yüksək olduğunu bir daha göstərib.
Sədaqət Həsənova
