SEPAH Hərbi Dəniz Qüvvələrinin 24 saat ərzində Hörmüz boğazı və Oman körfəzində gəmilərə qarşı 6 hücum həyata keçirdiyi bildirilir.
Gündəm24.az TodayPress TV-yə istinadla xəbər verir ki, Birləşmiş Krallığın Dəniz Ticarət Əməliyyatları İdarəsinin (UKMTO) məlumatına görə, bir gün ərzində qeydə alınan 6 dəniz hücumu qurumun bu müddət ərzində qeydə aldığı ən yüksək göstəricidir.
Hadisələr beynəlxalq ticarət baxımından mühüm əhəmiyyət daşıyan sularda kommersiya gəmiçiliyinin təhlükəsizliyi ilə bağlı narahatlıqları artırıb. Xüsusilə qlobal neft daşımalarının əsas marşrutlarından biri olan Hörmüz boğazında təhlükəsizlik risklərinin yüksəlməsi enerji bazarına və beynəlxalq ticarətə təsir göstərə bilər.
Dəniz nəqliyyatında fasilələrin davam etməsi gəmiçilik xərclərinin artmasına, enerji bazarında qeyri-müəyyənliyin dərinləşməsinə və beynəlxalq dəniz təhlükəsizliyi tədbirlərinin gücləndirilməsi ilə bağlı çağırışların artmasına səbəb ola bilər.
