Əmir Səid İrəvani: Qətnamə layihəsində İrana qarşı əsassız ittihamlar var.
Gündəm24.az xəbər verir ki, İran ABŞ və Bəhreynin BMT Təhlükəsizlik Şurasına təqdim etdiyi Hörmüz boğazı ilə bağlı qətnamə layihəsinə sərt reaksiya verib. İranın BMT-dəki daimi nümayəndəsi Əmir Səid İrəvani sənədin “dərin qüsurlu, birtərəfli və siyasi motivli” olduğunu açıqlayıb.
İrəvaninin sözlərinə görə, Vaşinqton və Manama layihəni “Hörmüz boğazında gəmiçilik azadlığını qorumaq” adı altında təqdim etsə də, əsl məqsəd İranı beynəlxalq səviyyədə təzyiq altında saxlamaqdır. O bildirib ki, sənəddə Tehrana qarşı əsassız ittihamlar yer alıb və bu yanaşma bölgədəki gərginliyi daha da artırır.
Rəsmi Tehran hesab edir ki, ABŞ-ın təşəbbüsü təhlükəsizlikdən çox siyasi mesaj xarakteri daşıyır. Hörmüz boğazında son günlər artan hərbi gərginlik fonunda BMT-də başlayan diplomatik qarşıdurmanın yeni böhran mərhələsinə çevrilə biləcəyi ehtimal edilir.
Sədaqət Həsənova
