Mariya Zaxarova bildirib ki, Rusiya Vaşinqtondan “hər bir konkret halda yeni doğulmuş körpənin ABŞ yurisdiksiyasına tabe olmadığının təsdiqini” tələb edəcək.
Gündəm24.az xəbər verir ki, Moskva ilə Vaşinqton arasında diplomatik gərginlik yeni müstəviyə keçir. Rusiya Xarici İşlər Nazirliyinin sözçüsü Mariya Zaxarova açıqlayıb ki, ABŞ-da rusiyalı diplomat ailələrində doğulan uşaqlara avtomatik şəkildə verilən Amerika vətəndaşlığı Rusiya tərəfindən tanınmayacaq. Bu qərar iki ölkə arasında hüquqi və siyasi mübahisələrin daha da dərinləşəcəyinə işarə edir.
Zaxarova vurğulayıb ki, bu cür hallar diplomatik normalara zidd hesab olunur və Moskva hər bir konkret vəziyyət üzrə Vaşinqtondan rəsmi izahat tələb edəcək. Rusiya tərəfi bildirir ki, həmin uşaqlar beynəlxalq hüquqa əsasən ABŞ yurisdiksiyasına daxil deyil və diplomatik toxunulmazlıq hüququndan tam şəkildə istifadə etməlidir.
Kremlin bu mövqeyi, xüsusilə diplomatik münasibətlərə dair Vyana Konvensiyasına istinad edilməsi fonunda, məsələni daha da prinsipial xarakterə çevirir. Ekspertlər hesab edir ki, bu addım iki ölkə arasında onsuz da gərgin olan münasibətlərə əlavə təzyiq yarada bilər.
Sədaqət Həsənova
