Oktyabrın 31-dən noyabrın 5-dək Moskvada ilk dəfə “Rusiya və MDB xalqları” Beynəlxalq Festivalı keçiriləcək. Tədbir Rusiya Təhlükəsizlik Şurasının himayəsi altında, Prezident Administrasiyası və Xarici İşlər Nazirliyinin dəstəyi ilə baş tutacaq.
Gündəm24.az xəbər verir ki, Festival biznes, təhsil və mədəniyyət proqramlarını birləşdirəcək. Qonaqlar sərgiləri ziyarət edə, ustad dərslərində iştirak edə və Rusiyanın tarixi, mədəni və təbii sərvətlərini öyrənə biləcəklər. Açılış oktyabrın 31-də Rusiya Təhlükəsizlik Şurasının katibi Sergey Şoyqunun sədrliyi ilə plenar iclasla baş tutacaq.
Tədbir çərçivəsində “Rusiya xalqları” Ümumrusiya Forumu, strateji sessiyalar, kinonun mədəni rolu mövzusunda plenar iclaslar və məşhur yaradıcı şəxslərlə görüşlər keçiriləcək. MDB-nin altı ölkəsindən və Rusiyanın 15-dən çox regionundan kinorejissorlar festivalda iştirak edəcək
