Kreml Rusiya, ABŞ və Ukrayna nümayəndələri arasında ötən həftə Əbu-Dabidə başlayan üçtərəfli danışıqların davam edəcəyini təsdiqləyib.
Gündəm24.az xəbər veri ki, TASS-ın məlumatına görə,Kremlin sözçüsü Dmitri Peskov Ukrayna böhranının həlli məqsədilə yaradılan, Rusiya, ABŞ və Ukrayna nümayəndələrindən ibarət üçtərəfli işçi qrupunun fəaliyyətini davam etdirəcəyini açıqlayıb. Onun sözlərinə görə, Moskva üç ölkə arasında birbaşa əlaqələrin qurulmasına müsbət yanaşır və bu format üzrə danışıqların davam etdirilməsi ilə bağlı razılıq mövcuddur.
Peskov vurğulayıb ki, Ukrayna məsələsi üzrə üçtərəfli danışıqlar kifayət qədər mürəkkəbdir və hazırda əsasən ekspertlər səviyyəsində aparılır. Buna baxmayaraq, tərəflər dialoqu davam etdirmək niyyətindədir və proses dayandırılmayacaq.
Kremlin sözçüsü eyni zamanda bildirib ki, Rusiya Prezidenti Vladimir Putinlə Suriyanın keçid prezidenti Əhməd Şara arasında Kremldə keçiriləcək görüşdə Suriyadakı Rusiya hərbi mövcudluğu məsələsi də müzakirə olunacaq. Bu mövzunun ikitərəfli gündəmdə mühüm yer tutduğu qeyd edilib.
Sədaqət Həsənova
