Gündəm24.az xəbər verir ki, Sumqayıt şəhər 8 nömrəli tam orta məktəb-ə yeni direktor təyin olunub.
Bu vəzifəyə Zəminə Bəhmən qızı Mehdiyeva gətirilib. O, ixtisasca biologiya müəllimidir və pedaqoji fəaliyyətinə 2015-ci ildə müəllimlərin işə qəbulu imtahanı ilə başlayıb. 2022-ci ildə keçirilən MİQ imtahanında 85 bal toplayan Zəminə Mehdiyeva, 2025-ci ildə müəllimlərin sertifikasiya prosesində 56 bal nəticə göstərib. Direktorların işə qəbulu müsabiqəsində uğur qazanaraq rəhbər vəzifəyə təyinat alıb.
Məsələ ilə bağlı Abşeron-Xızı Regional Təhsil İdarəsi bildirilib ki, təyinat mövcud qaydalara uyğun şəkildə həyata keçirilib. Qeyd edək ki, Zəminə Mehdiyeva qəhrəman ailənin üzvüdür. Onun babası Mehdiyev Mehdi Qasım oğlu 1989-cu ildə ermənilər tərəfindən əsir götürülərək qətlə yetirilib və Qubadlının ilk şəhidlərindən biri olub.
Atası Mehdiyev Bəhmən Mehdi oğlu isə 26 oktyabr 1992-ci ildə Basarat kəndinin Topağac yüksəkliyi uğrunda gedən döyüşdə şəhid olub və ölümündən sonra “Vətən uğrunda” medalı ilə təltif edilib. Qardaşı Mehdiyev Zamin Bəhmən oğlu Vətən müharibəsində yaralanıb və bir sıra dövlət təltiflərinə layiq görülüb.
Gündəm24.az kollektivi olaraq qəhrəman ailənin övladına uğurlar arzu edirik!
