TƏCİLİ: ABŞ-dan ölümcül əməliyyat – Sakit okeanda qayıq vuruldu

Gündəm24.az  xəbər verir ki, ABŞ ordusu Sakit Okeanda narkotik qaçaqmalçılığı ilə əlaqəli olduğu iddia edilən gəmiyə ölümcül zərbə endirib. ABŞ Cənub Komandanlığının (SOUTHCOM) məlumatına görə, əməliyyat nəticəsində iki nəfər həlak olub.

Bildirilib ki, general Frensis Donovanın göstərişi ilə həyata keçirilən “Southern Spear” əməliyyatı çərçivəsində hədəfə alınan gəmi Şərqi Sakit Okeanda narkotik qaçaqmalçılarının istifadə etdiyi marşrut üzrə hərəkət edirdi. ABŞ hərbçiləri kəşfiyyat məlumatlarının gəminin narkotik daşınmasında iştirak etdiyini təsdiqlədiyini vurğulayıblar.

Məlumatlar Vaşinqtonun narkotik kartellərinə qarşı sərt strategiyasının davam etdiyini göstərir. “The New York Times” daha əvvəl ABŞ-ın Cənubi Amerikada kartellərlə əlaqəli olduğu iddia edilən hədəflərə endirdiyi zərbələr nəticəsində 200-dən çox insanın öldüyünü yazmışdı.

Xatırladaq ki, ABŞ müdafiə naziri Pit Heqset ötən ilin noyabrında narkotik kartellərinə qarşı genişmiqyaslı “Cənubi Nizə” əməliyyatının başladığını elan etmişdi. ABŞ administrasiyası bu əməliyyatın regionda narkotik ticarətinin qarşısını almağa yönəldiyini bildirir.