Qırmızı soğan təkcə mətbəxdə dadverici məhsul deyil, həm də sağlamlıq üçün faydalı xüsusiyyətləri ilə seçilir. Mütəxəssislərin sözlərinə görə, bu tərəvəz immun sistemini gücləndirməyə və orqanizmi bir sıra xəstəliklərdən qorumağa kömək edir.
Qırmızı soğanın tərkibində yüksək miqdarda antioksidantlar, xüsusilə quersetin maddəsi var. Bu komponent orqanizmdə iltihabın azalmasına, ürək-damar sisteminin qorunmasına və qan dövranının yaxşılaşmasına müsbət təsir göstərir. Eyni zamanda, qırmızı soğanın tərkibində olan C vitamini immuniteti gücləndirir.
Gündəm24.az xəbər verir ki, mütəxəssislər bildirirlər ki, qırmızı soğanın müntəzəm qəbulu xolesterin səviyyəsinin tənzimlənməsinə və yüksək təzyiq riskinin azalmasına da kömək edə bilər.
Bundan başqa, liflə zəngin olduğu üçün həzm sisteminin fəaliyyətini yaxşılaşdırır və bağırsaq problemlərinin qarşısını alır.
Araşdırmalara görə, qırmızı soğan qan şəkərinin stabilləşməsinə də müsbət təsir edir. Bu səbəbdən diabet riski olan şəxslərə ölçülü şəkildə qida rasionuna əlavə etmək tövsiyə olunur.
Həkimlər qırmızı soğanın çiy halda istifadəsinin daha faydalı olduğunu qeyd etsələr də, mədə problemi olan şəxslərə ehtiyatlı davranmağı məsləhət görürlər.\\bizimmedia
