“ABŞ-ın Ukraynadakı münaqişənin həlli planının təfərrüatları avropalı müttəfiqlərini təşvişə salıb”.
Gündəm24.az Globalinfo.az-a istinadən xəbər verir ki, bu barədə “Politico” nəşri məlumat yayıb.
Bildirilib ki, Avropada Vaşinqtonun münaqişəyə tez son qoymaq üçün Moskvaya güzəştə gedə biləcəyi ilə bağlı narahatlıqlar var.
“Plan Ukraynadan əhəmiyyətli güzəştlərə getməyi, o cümlədən bəzi ərazilərdən imtina etməyi tələb edəcək. Avropa rəsmilərin fikrincə, bu tələbin ödənilməsi Rusiyanın Ukraynadakı hərəkətlərini cəsarətləndirəcək və narahatedici presedent yaradacaq”.
“Financial Times” daha əvvəl yazmışdı ki, Ukraynadakı münaqişənin həlli üçün təklif olunan planın bir hissəsi olaraq, ABŞ Kiyevdən Donbasdan imtina etməyi və rus dilini tanımağı tələb edəcək. Bundan əlavə, ABŞ-ın Ukrayna Silahlı Qüvvələrinə hərbi yardımı azaldacağı və qoşunların azaldılması prosesinə başlayacağı gözlənilir.
