“Azərbaycan Respublikasının Prezidenti cənab İlham Əliyevin ABŞ-a səfərindən düz bir il ötür. Bu səfər sayəsində Azərbaycanla Amerika arasında strateji tərəfdaşlıq və əməkdaşlığın yeni səhifəsi açıldı. Məhz strateji tərəfdaşlıq xartiyasının hazırlanması üçün strateji işçi qrupunun yaradıldı. Bu sənəd çox mühüm əhəmiyyət kəsb edir”.
Bu fikirləri Ajans.az-ın rəhbəri Tural Müseyibov bildirib.
Onun sözlərinə görə, Azərbaycanla Amerika arasında energetika, müdafiə sənayesi, süni intellekt və digər sahələr üzrə əməkdaşlığın əsası qoyulub:
“Bayden administrasiyası dövründə Azərbaycanla Amerika arasında münasibətlərdə dörd il itirilmiş hesab olunur. Cənab Prezidentin də vurğuladığı kimi, Bayden administrasiyası dövründə Azərbaycan–ABŞ münasibətləri Azərbaycan–Ermənistan münasibətlərinin qurbanına çevrilmişdi. O vaxta qədər formalaşan və əldə edilən Azərbaycan–ABŞ münasibətlərindəki nailiyyətlər, təəssüf ki, dondurulmuş vəziyyətə gəlib çatmışdı. Amma Donald Tramp və onun komandasının Azərbaycana, Azərbaycan Prezidentinə olan münasibəti bəllidir. Məhz bu dostluq və xoş münasibət açıq şəkildə özünü büruzə verir”.
“Bu səfər zamanı 907-ci düzəlişin tətbiqi dondurulmuş oldu. Səfər, eyni zamanda, Azərbaycan və Ermənistan arasında sülh müqaviləsinin paraflanması ilə nəticələnən mühüm mərhələyə çevrildi. Azərbaycan Prezidentinin qətiyyətli siyasəti nəticəsində Ermənistan sülhə məcbur edildi. Bilirik ki, müharibədən sonrakı dövrdə Ermənistan tərəfindən bir sıra revanşist addımlar atılırdı. Lakin Azərbaycan Prezidentinin qətiyyətli siyasəti, diplomatik gedişləri, hərbi gücü və qüdrəti sayəsində Ermənistan sülhə məcbur edildi. İlk dəfədir ki, qalib olan bir dövlət uduzan dövlətə sülh əlini uzatmış oldu. Adətən, uduzan dövlət sülh istəyir. Amma bunu Azərbaycan Prezidenti istədi. “Müharibədən qələbəyə” imzasının müəllifi Prezident İlham Əliyevdir” – o qeyd edib.
Tural Müseyibov bildirib ki, Azərbaycan Prezidentinin 8 avqust 2025-ci ildə ABŞ-a səfəri ölkəmizin gələcək inkişafı və yeni nailiyyətləri baxımından çox mühüm nəticələrə imza atmış olacaq:
“Biz bunun əhəmiyyətini illər keçdikcə daha aydın hiss edəcəyik. Mən bu fikirləri Zəfər abidəsinin önündən sizin üçün səsləndirirəm. Qeyd etmək istəyirəm ki, bundan sonrakı dövrümüzdə Zəfər abidələrimizin ucaldılacağı davamlı illərimiz çox olacaq. Tarixdə hər günümüz, hər anımız Zəfər abidəsinə çevriləcək. Bu abidədə imzası olan Azərbaycan Prezidenti İlham Əliyevin imzasıdır ki, o, daim bu Zəfər abidələrinin ucalmasında rol oynayacaq”.
