Ermənistan Konstitusiya Məhkəməsi Zəngəzur dəhlizi – TRIPP üzrə sazişin Əsas Qanuna uyğun olduğunu tanıyıb.
Musavat.com-un xəbərinə görə, bu barədə erməni mediasına Konstitusiya Məhkəməsinin xarici əlaqələr şöbəsindən məlumat verilib.
Qərarın tam mətni üç gün ərzində dərc olunacaq, bundan sonra ratifikasiya edilməsi üçün parlamentə göndəriləcək.
Xatırladaq ki, sentyabrın 15-də Konstitusiya Məhkəməsi yazılı prosedurla TRIPP üzrə sazişə baxılmasına başlayıb. Məhkəmə sənədlə Ermənistanın üzərinə götürdüyü öhdəliklərin Konstitusiyaya uyğun olub-olmadığını müəyyən etməli idi.
“Beynəlxalq Sülh və Rifah naminə Tramp Marşrutu” layihəsi üzrə çərçivə sazişi İrəvan və Vaşinqton tərəfindən mayın 26-da paraflanıb. İmzalama prosesi iyunun 4-də ABŞ dövlət katibi Marko Rubio və Ermənistanın xarici işlər naziri Ararat Mirzoyanın imzaları ilə yekunlaşıb.
