ABŞ prezidenti Donald Tramp Amerikada keçiriləcək aralıq seçkilərdən sonra İranla razılaşma əldə edilə biləcəyini açıqlayıb.
Gündəm24.az Globalinfo.az-a istinadən xəbər verir ki, ABŞ prezidenti BMT Baş Assambleyasının iclasında çıxışı zamanı Tehranla mümkün razılaşma barədə danışıb.
Tramp bildirib ki, noyabr ayında keçiriləcək aralıq Konqres seçkilərindən dərhal sonra İranla anlaşma əldə olunması mümkün ola bilər.
Amerika liderinin sözlərinə görə, İran rəhbərliyi qarşısında razılaşmaya getmək və ya daha ağır nəticələrlə üzləşmək arasında seçim dayanır.
O qeyd edib ki, Tehran razılaşma əldə etmək üçün addım atmasa, İslam Respublikasının tez bir zamanda məhv edilməsi ehtimalı gündəmə gələ bilər.
