Müğənni Elçin Cəfərov Heydər Əliyev Sarayında keçirilən ilk solo konserti ilə bağlı diqqətçəkən açıqlamalar verib.
Gündəm24.az xəbər verir ki, sənətçi konsert üçün böyük maddi və mənəvi hazırlıq görüldüyünü bildirib.
Jurnalistin “Bu konsertə görə kifayət qədər maddi xərc olub. Ev, bağ, maşın — bir çox şeyi satışa çıxartmısınız. Doğrudurmu bu? Yoxsa ümumiyyətlə bir az şoudur?” sualını cavablandıran Elçin Cəfərov belə deyib:
“Yox, məsələ onda deyil. Təbii ki, bu konsertə çox böyük xərc çəkilib. Belə böyük səhnə həm həyəcan, həm də məsuliyyət tələb edir. Bunun həm maddi, həm də mənəvi tərəfi var”.
Müğənni bildirib ki, hazırda əsas məqsədi ilk solo konsertini uğurla başa vurmaqdır:
“Hələ ki, qarşıma yeni hədəf qoymuram. Əvvəlcə istəyirəm bu konsert bitsin. Özümə məhdudiyyət də qoymuram”.
Qeyd edək ki, Elçin Cəfərovun Heydər Əliyev Sarayında baş tutan ilk solo konserti tamaşaçılar tərəfindən maraqla qarşılanıb. Biletlər “sold out” olub./sfera.az
