Mərhum Xalq artisti Ramiz Novruzun stilist qızı Şəfəq Novruz sosial şəbəkədəki paylaşımlarına görə tənqid olunub.
Gündəm24.az axşam.az-a istinadən xəbər verir ki, Şəfəq erməni stilist Georgi Kotun Soçidə keşirilən tədbirinə qatılıb. Tədbirdə 45 ölkədən 1500 iştirakçı yer alıb.
Stilistlər səhnəyə ölkələrinin bayrağı ilə çıxıblar. Şəfəq gecədən görüntüləri sosial şəbəkədə paylaşıb. Videolardan birində isə onun Georgini öpməsi yer alıb. Sosial şəbəkədə isə onun erməni ilə səmimi görüntüləri tənqid edilib.
Şəfəq isə ünvanına yazılan tənqidlərə əhəmiyyət vermədiyini bildirib. O, hətta sosial şəbəkədə erməni ilə görüntülərini tənqid edənləri “axmaq” adlandırıb.
O, hətta erməni ilə fotosunu yayımlayaraq “Çox dəyərli müəllimim, mənim üçün müqəddəs adam. Səndən dönmərəm, əziz müəllimim. Mənə ikinci nəfəs verən, uğur gətirən, məni hər kəsin yanında uca, hörmətli tutan insan. Ölkələr arasında ayrı-seçkilik görməyən insan, ürəyi brilliantım. Bəli, müəllim tələbə üçün ilahi bir insan olmalıdır” sözlərini yazıb.
