Azərbaycan Respublikasının Strateji Obyektlərin Mühafizəsi Dövlət Agentliyi (SOMDA) müddətdən artıq həqiqi hərbi xidmətə qəbulla bağlı müsabiqə elan edib.
Gündəm24.az xəbər verir ki, agentliyin məlumatına görə, müsabiqədə ali, orta-ixtisas və ya tam orta təhsilli, qanunla müəyyən edilmiş müddətli həqiqi hərbi xidmətini başa vurmuş, yaşı 26-dək olan Azərbaycan Respublikasının kişi vətəndaşları iştirak edə bilərlər. Namizədlərin boyu ən azı 1,85 sm olmalı, idman cüssəli olmalı və həm özlərinin, həm də yaxın qohumlarının məhkumluğu olmamalıdır.
Müraciət edən şəxslərin paytaxtın Qaradağ rayonu, həmçinin Ucar, Göyçay, Goranboy, Yevlax, Bərdə, Ağdaş, Siyəzən, Şabran və Xaçmaz rayonlarında qeydiyyatda olmaqla yaşamaları tələb olunur.
Bildirilib ki, xidmətin spesifikliyi, fiziki və psixoloji gərginliyi, eləcə də növbəli və bəzən əsas iş vaxtından əlavə müddətdə aparılması nəzərə alınaraq namizədlərin sağlamlıq vəziyyəti, bilik səviyyəsi və fiziki hazırlığı müəyyən olunmuş qaydada yoxlanılacaq.
Ali təhsilli, xarici dillərdən birini bilən və kompüter avadanlıqları ilə işləmək bacarığı olan namizədlərə üstünlük veriləcək.
Xidmətə qəbul üçün fiziki hazırlıq üzrə minimal normativlər isə aşağıdakılardır:
* 100 metr məsafəyə qaçış – 14 saniyə
* 1000 metr məsafəyə qaçış – 4 dəqiqə
* Turnikdə dartınma – 12 dəfə
Müsabiqədə iştirak etmək istəyən şəxslər elektron ərizə formasını dolduraraq kadr@somda.gov.az elektron poçt ünvanına göndərməlidirlər.
Əlavə məlumat üçün aşağıdakı telefon nömrələri ilə əlaqə saxlamaq mümkündür:
+994 (12) 435-45-39
+994 (12) 435-45-46.
