Moskva Tehrana dəstək verdi — Lavrovdan diqqətçəkən açıqlama

Gündəm24.az  xəbər verir ki, Rusiyanın xarici işlər naziri Sergey Lavrov İranla bağlı gərgin açıqlama verib. O bildirib ki, Moskva İrana qarşı hər hansı silahlı təcavüzün yenidən baş verməsinə və Tehran üzərinə güc yolu ilə təzyiq göstərilməsinə qəti şəkildə qarşıdır.

Lavrov ABŞ və İsrailin siyasətini sərt tənqid edərək, Yaxın Şərqdə aparılan hərbi əməliyyatların regional sabitlik və nüvə silahlarının yayılmaması ilə əlaqəsinin olmadığını deyib. Onun sözlərinə görə, bölgədə müharibələri başladan tərəflər bunu təhlükəsizlik adı altında təqdim etməyə çalışırlar.

Rusiya diplomatı həmçinin İran və Livandakı hadisələrdə güc tətbiqinin dayandırılmasına çağırıb. Lavrov xüsusilə MAQATE nəzarətində olan nüvə obyektlərinə qarşı hücumların heç bir hüquqi və mənəvi əsasının olmadığını vurğulayıb.