Rusiya Müdafiə Nazirliyi bildirib ki, Zaporojye vilayətinin Gulyaypol istiqamətində yerləşən Zatışye kəndi rus qüvvələrinin nəzarətinə keçib. Nazirliyin məlumatına görə, kənd artıq hərbi baxımdan strateji əhəmiyyət daşıyan ərazidə yerləşir və Ukrayna Silahlı Qüvvələrinin (USV) müdafiə xəttinə ciddi təsir göstərir.
Gündəm24.az xəbər verir ki, Deep State tərəfindən hazırlanmış xəritələrdə Zatışye kəndi artıq tamamilə “gri zona”da qeyd olunub, yəni nəzarət vəziyyəti dəqiq müəyyən edilməyib və döyüşlər davam edir.
Qeyd olunur ki, Gulyaypol Ukrayna Silahlı Qüvvələri üçün Zaporojye vilayətində vacib bir müdafiə mövqeyidir. Bu bölgənin itirilməsi Ukrayna ordusunun cəbhədəki müdafiə imkanlarını zəiflədə və Rusiyanın irəliləməsinə şərait yarada bilər.
Hər iki tərəf tərəfindən münaqişə bölgəsində vəziyyət barədə rəsmi təsdiqlənmiş məlumatlar azdır və döyüşlər davam edir. Analitiklər hesab edirlər ki, Zatışye və ətraf kəndlərin taleyi yaxın günlərdə cəbhənin ümumi gedişatına ciddi təsir göstərə bilər.
Əli Səfərli,
Gundem24.az
