“Stansiya Sumqayıt” yaşayış massivində uzun illərdir həllini gözləyən kanalizasiya probleminin aradan qaldırılması istiqamətində işlərə başlanılıb.
Məlumata görə, 925 ailənin yaşadığı ərazidə yeni kanalizasiya xəttinin çəkilişi həyata keçirilir. Sakinlərin bildirirlər ki, kanalizasiya sisteminin olmaması uzun müddət məişət şəraitinə mənfi təsir göstərib, xüsusilə yağıntılı günlərdə ciddi çətinliklər yaradıb.
Məsələ müxtəlif vaxtlarda media tərəfindən işıqlandırılıb. Problemlə bağlı aidiyyəti qurumların nümayəndələri əraziyə baxış keçirib, həmçinin ərazinin deputatı Elnarə Akimova sakinlərlə görüşərək onların müraciətlərini dinləyib.
Hazırda görülən işlər Sumqayıt Şəhər İcra Hakimiyyətinin dəstəyi ilə həyata keçirilir.
Bildirilib ki, layihənin maliyyələşdirilməsində sakinlər də iştirak edirlər. Belə ki, hər ailə tərəfindən 650 manat vəsait ayrılıb. Bundan əlavə, ərazidə fəaliyyət göstərən bəzi müəssisələr və sahibkarlar da layihəyə maddi dəstək göstərirlər.
Sakinlərin məlumatına əsasən, tikinti işlərinin təxminən 4-5 ay ərzində başa çatdırılması planlaşdırılır.
Mənbə: Sumqayit.tv
