Leonid Slutski deyir ki, konfrans iştirakçıları “Avropanın militarizasiyası” planı irəli sürüblər.
Gündəm24.az TASS‑a istinadən xəbər verir ki, Rusiya Dövlət Dumasının Beynəlxalq Məsələlər Komitəsinin sədri Leonid Slutski bildirib ki, Münhen Təhlükəsizlik Konfransı Köhnə Dünyanı Rusiya ilə qarşıdurmaya səfərbər etmək məqsədilə keçirilib və Ukraynadakı sülh prosesinə heç bir töhfə verməyib. O, Konfransın Avropada militarizasiyanı gücləndirdiyini və Kiyevdəki hakimiyyəti davamlı dəstəklədiyini bildirib, Avropa liderlərinin çıxışlarını rusofobiya və revanşist ritorika ilə dolu adlandırıb.
Slutski vurğulayıb ki, Avropa liderləri Ukraynadakı münaqişəni həll etmək üçün danışıqlar masasına oturmağa çalışsalar da, təklif edə biləcəkləri tək şey müharibənin davamıdır və bu, “Avro-apokalipsis”ə aparır. Millət vəkili əlavə edib ki, Vladimir Zelenski Ukraynanın NATO-ya üzvlüyü ideyasını irəli sürməklə yanaşı, sərt bəyanatlarla hərəkət edərək militarist mövqeyini ortaya qoyub.
Sədaqət Həsənova
