Efiopiyaya səfərindən sonra təyyarədə jurnalistlərin suallarını cavablandıran Prezident Ərdoğan Afrika bölgəsinin suverenliyinə toxunaraq, “Tariximizin heç bir dövründə müstəmləkəçi olmamışıq. Afrikadakı məsələlərə eqoist, qərəzli bir gözlə baxmamışıq və baxmırıq” deyib. “Səsimiz və sözlərimiz artıq daha güclüdür” deyib.
Gündəm24.az xəbər verir ki, Sputnik Türkiyənin məlumatına görə, Prezident Rəcəb Tayyib Ərdoğan Efiopiyaya rəsmi səfərindən qayıdarkən jurnalistlərə açıqlama verib və Türkiyənin tarix boyu heç vaxt müstəmləkəçi dövlət olmadığını, Afrika xalqlarını qardaş və dost hesab etdiyini vurğulayıb. Ərdoğan Afrika ilə münasibətlərin qarşılıqlı hörmət və bərabərhüquqlu tərəfdaşlıq prinsipləri əsasında qurulduğunu, ölkənin Afrika ölkələrindəki səfirliklərinin sayını artırdığını və 2000-dən çox layihə həyata keçirdiyini bildirib.
Türkiyənin ticarət və investisiya sahəsində Afrika ilə əməkdaşlığını inkişaf etdirdiyini qeyd edən Ərdoğan, 2025-ci ildə qitə ilə xarici ticarət həcmində 10% artımın gözlənildiyini açıqlayıb. Suriya məsələsinə toxunan prezident, terrorizmə qarşı qətiyyətli və ehtiyatlı addımlarla irəlilədiklərini, terrorizmin ölkədən və regiondan aradan qaldırılması istiqamətində işlərin davam etdiyini bildirib.
İran və ABŞ arasındakı problemlərin dialoq yolu ilə həll olunmasını istədiklərini bildirən Ərdoğan, hər iki ölkə ilə yüksək səviyyəli əlaqələrin saxlanıldığını, hərbi eskalasiyanın bölgəni qeyri-müəyyənliyə sürükləyəcəyini və Türkiyənin sülh üçün əməkdaşlıq etməyə davam edəcəyini qeyd edib.
Sədaqət Həsənova
