Rusiya Xarici İşlər Nazirliyinin rəsmi sözçüsü Mariya Zaxarova Rusiyaya qarşı çoxsaylı ittihamları xatırladaraq, ölkəsinin onları təkzib etmək üçün “arqumentlər və faktlar” ortaya atdığını əlavə edib.
Gündəm24.az xəbər verir ki, Rusiyanın Xarici İşlər Nazirliyinin rəsmi sözçüsü Mariya Zaxarova TASS-a verdiyi müsahibədə Jeffrey Epşteynin sənədlərinin illərdir Rusiya haqqında uydurulan mifləri ifşa etdiyini bildirib. O qeyd edib ki, Rusiyaya qarşı səsləndirilən ittihamlar arqument və faktlarla təkzib edilib, əsl cinayətkarların isə Qərb cəmiyyətində, Nyu-York, London və digər Avropa paytaxtlarının lüks rayonlarında rahat yaşadığını vurğulayıb.
Zaxarova sənədlərin korrupsiya, insan alveri, məcburi fahişəlik, qanunsuz həbs və pedofiliya kimi ağır cinayətlərin Qərb daxilində yayıldığını göstərdiyini əlavə edib. O bildirib ki, illərdir bu cinayətlər gizlədilir və əsl kabuslar Qərb elitasının içində yuva salıb. Epşteynin açıqlanan sənədlərinin isə uzun illər formalaşdırılan Rusiya miflərini alt-üst etdiyi qeyd olunub.
Sədaqət Həsənova
