Meksikanın ən böyük cinayətkar təşkilatlarından birinin lideri, “El Mencho” ləqəbli Nemesio Oseguera ABŞ-ın dəstəklədiyi əməliyyatda öldürülüb. Əməliyyatdan sonra bir neçə şəhərdə toqquşmalar baş verib, nəqliyyat vasitələri yandırılıb və bəzi ərazilərdə sərt təhlükəsizlik tədbirləri görülüb.
Gündəm24.az xəbər verir ki, Sputnik Türkiye-nin verdiyi məlumata görə, Meksikada kartel lideri “El Menço” kimi tanınan Nemesio Oseguera Servantesin öldürülməsi sonrası ölkədə zorakılıq hadisələri baş verib.
Jurnalist Əli Çağatay “Seyir Hali” verilişində bildirib ki, əməliyyat Meksika polisi və ABŞ-ın narkotiklə mübarizə agentliyinin birgə fəaliyyəti nəticəsində həyata keçirilib və El Menço Xalisko Yeni Nəsil Kartelinin lideri idi.
El Mençonun ölümündən sonra kartel üzvləri bir çox şəhərdə nəqliyyat vasitələrini yandırıb, Qvadalaxara Beynəlxalq Hava Limanına hücum təşkil ediblər və ölkənin bir çox ştatında zorakılıq davam edir. Meksika qırmızı həyəcan siqnalı altındadır, bəzi şəhərlər yarımhərbi vəziyyətə keçib. ABŞ Don Nemesionun başına 15 milyon dollar mükafat qoymuşdu, lakin o, azadlıqda idi və kartel Meksika ordusunun vertolyotunu raketlə vuraraq doqquz əsgəri öldürüb. Dünənki hadisələrdə ölənlərin sayı təxminən 40 nəfərdir. Hazırda Meksika ordusu və ABŞ birgə əməliyyatın nəticələrini idarə etməyə çalışır və Meksika rəsmi kömək istəməsə də, vəziyyət gərginləşərsə, birlikdə tədbir görülə bilər.
Sədaqət Həsənova
