Nəşr qeyd edir ki, 2024-cü ilin mart ayında Krokus Siti Zalına edilən hücum da Telegram vasitəsilə əlaqələndirilib.
Gündəm24.az “Rossiyskaya Qazeta”ya istinadən xəbər verir ki, Rusiya Federal Təhlükəsizlik Xidmətinin materialları əsasında Telegram-ın həmtəsisçisi Pavel Durovun fəaliyyəti terrorçuluğa yardım maddəsi üzrə araşdırılır.
Bildirilir ki, məsələ Rusiya Cinayət Məcəlləsinin 205.1-ci maddəsinin 1.1-ci hissəsi ilə bağlıdır.
Nəşr iddia edir ki, 2022-ci ildən etibarən Telegram vasitəsilə 153 mindən çox cinayət qeydə alınıb, onlardan 33 mini terror və ekstremist fəaliyyətlə əlaqəlidir. Həmçinin FSB-nin fəaliyyəti nəticəsində messencer üzərindən planlaşdırıldığı deyilən 475 terror aktının qarşısının alındığı vurğulanır.
Qəzet yazır ki, 2024-cü ilin martında “Crocus City Hall”a hücumun da messencer vasitəsilə əlaqələndirildiyi bildirilir. Eyni zamanda, Roskomnadzorun son illərdə Durovun komandasına 150 mindən çox qanunsuz məzmunun silinməsi tələbi göndərdiyi, lakin müraciətlərin əsasən cavabsız qaldığı qeyd olunur.
Sədaqət Həsənova
