Fransa prezidenti Emmanuel Makron bildirib ki, ölkəsi Hörmüz boğazının blokadadan çıxarılması üçün heç bir hərbi əməliyyatda iştirak etməyi planlaşdırmır.
Gündəm24.az xəbər verir ki, o, bu barədə İrəvanda keçirilən Avropa Siyasi Birliyinin sammiti öncəsi jurnalistlərə açıqlamasında deyib.
Makron qeyd edib ki, əgər ABŞ Hörmüz boğazının açılması üçün addım atmaq istəyirsə və ya bu prosesə dəstək verməyə hazırdırsa, bu müsbət haldır və Fransa da əvvəldən bunu tələb edib. Bununla belə, Fransa lideri vurğulayıb ki, ölkəsi məqsədləri aydın olmayan hərbi əməliyyatlara qoşulmaq niyyətində deyil.
Fransa prezidenti əlavə edib ki, boğazın açılması ABŞ və İran arasında razılaşma əsasında həyata keçirilməlidir. Onun sözlərinə görə, yalnız bu cür yanaşma regionda davamlı sülhün təmin olunmasına və gəmiçiliyin əlavə məhdudiyyətlər və ödənişlər olmadan bərpasına imkan verə bilər./KONKRET.az
