Azərbaycanda avqustun 14-nə gözlənilən hava şəraiti açıqlanıb.
Gündəm24.az Milli Hidrometeorologiya Xidmətinə istinadən xəbər verir ki, bu gün Bakıda və Abşeron yarımadasında hava şəraitinin əsasən yağmursuz olacağı gözlənilir. Şimal-şərq küləyi əsəcək, axşam isə mülayim şimal-qərb küləyi ilə əvəzlənəcək.
Havanın temperaturu gecə 23-26°, gündüz 31-36° isti olacaq. Atmosfer təzyiqi 758 millimetr civə sütunu, nisbi rütubət isə gecə 70-75 faiz, gündüz 45-50 faiz təşkil edəcək.
Azərbaycanın rayonlarının bəzi yerlərində arabir yağış yağacağı gözlənilir. Ayrı-ayrı yerlərdə yağışın qısamüddətli leysan xarakterli və intensiv olacağı, şimşək çaxacağı, dolu düşəcəyi ehtimal edilir. Əsasən dağlıq və dağətəyi rayonlarda yağıntıların bir qədər güclənəcəyi gözlənilir.
Gecə və səhər saatlarında bəzi dağlıq ərazilərdə arabir duman olacaq. Şərq küləyi bəzi yerlərdə arabir güclənəcək.
Havanın temperaturunun rayonlarda gecə 22-26°, gündüz 32-36° isti, dağlıq ərazilərdə isə gecə 13-18°, gündüz 20-25° isti olacağı ehtimal edilir.
