Bakının Suraxanı rayonunda aparılan təmir işləri ilə əlaqədar 50 və 64 nömrəli müntəzəm marşrutların hərəkət sxemi müvəqqəti dəyişdirilib.
Gündəm24.az xəbər verir ki, bu barədə Azərbaycan Yerüstü Nəqliyyat Agentliyi (AYNA) məlumat yayıb.
Bildirilib ki, İlqar Musayev küçəsində aparılan təmir işləri ilə əlaqədar nəqliyyat vasitələrinin hərəkətinə məhdudiyyət tətbiq olunub.
Məhdudiyyət səbəbindən 50 və 64 nömrəli marşrutların hərəkəti Lütfi Zadə, Səməd bəy Mehmandarov və Abbas Fətullayev küçələri ilə təşkil edilib.
Dəyişikliyin təmir işləri başa çatanadək qüvvədə olacağı bildirilir.
