Bu gündən etibarən Sumqayıtda qarşıdan gələn Novruz bayramı münasibətilə yarmarka təşkil edilir.
Gündəm24.az Sumqayit24.az-a istinadən xəbər verir ki, “Kənddən Şəhərə” Novruz Yarmarkası Kimyaçı Mədəniyyət Sarayının qarşısında həyata keçirilir.
Hazırda yarmarkada satıcılar öz məhsullarını təqdim edir, şəhər sakinləri isə kənd təsərrüfatı məhsullarına xüsusi maraq göstərərək alış-veriş edirlər.
Qeyd edək ki, yarmarkanın keçirilməsində əsas məqsəd yerli fermerlərin məhsullarının bazara çıxışını dəstəkləmək və şəhər sakinlərinin təbii, yerli kənd məhsullarına əlçatanlığını artırmaqdır.
Satışa çıxarılan məhsulların kеyfiyyətinə nəzarət etmək məqsədilə yarmarkada hər gün Qida Təhlükəsizliyi Agentliyinin Səyyar Qida Laboratoriyası fəaliyyət göstərəcək. Vətəndaşlar yarmarkada satışa çıxarılan hər hansı bir məhsulun keyfiyyət göstəricilərini öyrənmək üçün laboratoriyanın xidmətlərindən faydalana bilərlər.
