Sumqayıt şəhərində cəmi iki ay əvvəl istifadəyə verilən Bələdiyyə parkı artıq baxımsız vəziyyətə düşüb.
Bu barədə Sumqayit24.az-a müraciət edən vətəndaş məlumat verib. Onun sözlərinə görə, may ayının əvvəlində Yaşıldərə yaşayış massivində açılışı keçirilən parkda quraşdırılan uşaq yelləncəklərinin bir qismi qırılıb, bəziləri isə qırılmaq üzrədir.
Sakin bildirir ki, park avadanlıqlarının bu vəziyyətə düşməsinin əsas səbəbi onlardan düzgün istifadə olunmamasıdır:
“Yelləncəkləri elə bil “yeyirlər”.
Qeyd edək ki, Bələdiyyə parkının ümumi sahəsi 3 min kvadratmetr təşkil edir. Parkda uşaqlar üçün 475 kvadratmetr ərazidə oyun və əyləncə zonası yaradılıb.
Sakinlər parkın təhlükəsizliyinin təmin olunması, zədələnmiş avadanlıqların təmir edilməsi və ictimai əmlaka qarşı məsuliyyətli davranılması üçün aidiyyəti qurumların tədbir görməsini xahiş edirlər.
