Ufada yeniyetmələr üçün komendant saatı tətbiq ediləcək.
Gündəm24.az xarici mediaya istinadən xəbər verir ki, səhər meriyasının mətbuat xidmətinin məlumatına görə, 1 maydan 30 sentyabra qədər 17 yaşdan kiçik uşaqlar və yeniyetmələr üçün komendant saatı qüvvədə olacaq. Bu müddət ərzində onların saat 23:00-dan 06:00-dək valideynləri və ya qanuni qəyyumları olmadan ictimai yerlərdə olması qadağan edilir.
Qadağa küçələr, oyun və idman meydançaları, parklar, çimərliklər, həyətlər, ictimai nəqliyyat, qatar stansiyaları və digər oxşar əraziləri əhatə edir.
Şəhər administrasiyası xəbərdarlıq edib ki, polis gecə saatlarında böyüklərin müşayiəti olmadan yetkinlik yaşına çatmayan şəxsi saxladığı halda, valideynlər inzibati məsuliyyətə cəlb olunacaqlar. Hadisə ilə bağlı materiallar baxılması üçün yetkinlik yaşına çatmayanların işləri üzrə komissiyaya göndəriləcək.
Qeyd edək ki, oxşar məhdudiyyət 2025-ci ildə də 1 maydan 30 sentyabra qədər eyni saat aralığında tətbiq olunmuşdu. Rusiyada 2009-cu ildə qəbul edilən qanuna əsasən, regionlara yetkinlik yaşına çatmayanlar üçün komendant saatını müəyyənləşdirmək səlahiyyəti verilib. Federal qaydalara görə, uşaqların saat 22:00-dan 06:00-dək böyüklər olmadan ictimai yerlərdə olması qadağandır, lakin regionlar bu vaxt çərçivəsini müstəqil şəkildə tənzimləyə bilirlər./Ajans.az
